Ymateb Cymorth Cristnogol Cymru i’r Argyfwng Ffoaduriaid

Argyfwng Ffoaduriaid Ewrop
Canolbwyntio ar yr Angen, nid y Niferoedd

Mae’r cyfryngau yn ddiweddar wedi bod yn llawn storiâu o ffoaduriaid yn cyrraedd Ewrop, gyda’r wasg yn canolbwyntio’n bennaf ar y cynnydd yn eu niferoedd, yn hytrach na’r gwrthdaro, anghyfiawnder a gormes y meant yn dianc rhagddo. Mewn gwirionedd, mae ymateb nifer ym Mhrydain, ac mewn rhannau eraill o Ewrop wedi bod yn llai na chydymdeimladol, ac mae’r iaith a ddefnyddir i ddisgrifio’r bobl sy’n ceisio mynediad i Ewrop yn rhy aml wedi bod yn druenus; yn bychanu ac yn di-ddynoli.

Bob blwyddyn, yn fyd-eang, caiff miliynau eu gorfodi i ffoi eu cartrefi yn sgìl trais, gwrthdaro neu argyfwng. Mae’r mwyafrif yn aros fel ffoaduriaid o fewn eu gwledydd eu hun, ond bydd eraill yn gorfod ffoi dros ffiniau rhyngwladol i ganfod diogelwch. Mae’r mwyafrif o’r rhain fodd bynnag yn aros yn y byd sy’n datblygu, yn cael eu cynnal gan rai o wledydd tlotaf y byd.

Nid yw’r sefyllfa bresennol yn phenomenon newydd – sefydlwyd Cymorth Cristnogol 70 mlynedd yn ôl i helpu ffoaduriaid a’r digolledi yn Ewrop yn dilyn yr Ail Ryfel Byd. Heddiw rydym yn cefnogi’r sawl a effeithir gan ryfel a thrais mewn nifer o wledydd gan gynnwys Syria, Iraq, Afghanistan, De Sudan, Gweriniaeth Ddemocrataidd y Congo, a Colombia, gan gynnig cymorth ymarferol drwy fudiadau lleol wedi eu gwreiddio yn eu cymunedau.

Yn Ewrop, gweithiwn gyda’n partneriaid yn y Gynghrair ACT i gefnogi gweithredu ymarferol a gwleidyddol i gynorthwyo’r rhai sy’n ffoi, ac i ymateb i’r materion hirdymor. Mae’r gynghrair ACT yn glymblaid o 145 o eglwysi sy’n cyd-weithio ar draws 140 gwlad i greu newid positif a chynaliadwy i fywydau’r tlawd a’r di-bwer, dim ots beth eu cred, rhyw, hil na gwleidyddiaeth. Fel rhan o’r Gynghrair, mae Cymorth Cristnogol yn galw ar bobl:

i fod yn groesawgar “i’r dieithriaid” ac i agor cysegrau addoli i fod yn ofod i drafod materion mudo
i barhau i wrando ar leisiau mudwyr, ymofynwyr noddfa, pobl ddi-wlad a ffoaduriaid, mewn ymgais i ymateb yn addas
i barhau i geisio deall dioddefaint y rhai mewn gwewyr, ac i weddïo gyda hwy, ac amdanynt

I Eglwysi, mudiadau ffydd, a mudiadau cymdeithas sifil yn y gwledydd ar ddechreuad, canol, a diwedd taith ffoaduriaid, i drafod a rhannu profiadau, i oleuo ymateb ei gilydd.

i ddylanwadu gwledydd y byd i gytuno a dilyn cyfreithiau hawliau dynol sy’n amddiffyn hawliau mudwyr, ffoaduriaid, a’u teuluoedd, ac i wledydd i ddilyn eu goblygiadau i gynnig cymorth ac amddiffynfa.

Medrwch hefyd gyfrannu drwy Cymorth Cristnogol i gefnogi gwaith ein partneriaid sydd wrthi yn darparu cymorth i ffoaduriaid yn Ewrop heddiw. Gweler ein gwefan – christianaid.org.uk/emergencies/areas-of-concern/refugee-crisis.aspx

Yr Eisteddfod Genedlaethol 2015

Cross

Roedd pabell Cytûn (Yr Eglwysi Ynghyd yng Nghymru) dan ei sang yn aml yn ystod wythnos yr Eisteddfod Genedlaethol ym Meifod ar ddechrau mis Awst eleni. Mae’r babell yn cael ei gwerthfawrogi fel lle ar faes yr Eisteddfod i gael paned a chyfle i eistedd i lawr, i wrando ar sgyrsiau ysbrydoledig ac i gymryd amser i addoli a myfyrio.

General view

Mae’n cael ei staffio gan wirfoddolwyr o’r enwadau ac eglwysi lleol, gan gynnwys nifer o gynrychiolyddion o Synod Cymru, a oedd yn barod i roi croeso i ymwelwyr a ddaeth i’r babell ac i stondin y Synod. Diolch iddyn nhw bob un am eu cymorth, ac yn arbennig i Delyth Wyn Davies, ein Swyddog Dysgu a Datblygu, am baratoi’r stondin.

Delyth

Pererindod Cymdeithas Hanes Synod Cymru 2015

I Eglwysbach, Dyffryn Conwy,  lle magwyd un o pregethwyr mwyaf Cymru erioed, y Parchedig John Evans (1840-1897), yr aeth pererindod Cymdeithas Hanes Synod Cymru ar ddydd Sadwrn 16 Mai 2015.

St MartinDechreuwyd yn eglwys y plwyf, Eglwys Martin Sant, efo caneuon gan blant ysgol y pentre. House

Wedyn, cyfle i weld cartref John Evans, cyn ymgynnull yn nghapel Ebeneser, lleoliad pulpud coffa John Evans, am anerchiad gan y Ddr Telfryn Pritchard. pulpit

Cafodd pawb diwrnod bendithiol a diddorol. Diolch i Robin Jones ac aelodau Capel Ebeneser am y trefniadau a’r croeso.

Synod 2015

013

Cynhaliwyd cyfarfod Synod Cymru 2015 yng Nghapel Bathafarn, Rhuthun, ar ddydd Sadwrn 25ain Ebrill. Cafodd aelodau’r Synod groeso cynnes gan Mrs Elizabeth Jones, Arweinydd Ardal Bathafarn, a thîm o aelodau ffyddlon yr Ardal. Arweiniodd Elizabeth y defosiwn agoriadol ar thema ‘cariad’.

Yn dilyn cadarnhau ein cynrychiolwyr i’r Gynhadledd Fethodistaidd eleni a phenodi rhai ar gyfer 2016, cytunodd y Synod i barhau â phroses “Datblygu Ein Galwad”, a ddechreuodd drwy benderfyniad y Synod y llynedd. Yng ngoleuni’r gwaith da sydd wedi cychwyn o dan thema “Dysgu a Gofalu” eleni, y thema ar gyfer 2015-16 fydd “Addoli”.

Wedyn, derbyniwyd adroddiadau o feysydd amrywiol bywyd y Synod, gan gynnwys  adroddiadau ecwmenaidd, Polisi a Chyllid, yr Ymddiriedolwyr, diogelu, eiddo, Gweithredu Dros Blant a Chartrefi’r Henoed, cenhadaeth, Merched Methodistaidd ym Mhrydain a’r Gwyliedydd. Ond uchafbwynt y bore oedd cyflwyniad Megan Thomas, Llywydd Ieuenctid yr Eglwys Fethodistaidd eleni. Yn wreiddiol o Geri ym Mhowys, dywedodd Megan ychydig wrth y Synod amdani ei hun ac am ei chariad tuag at Dduw, yr Eglwys Fethodistaidd a gwaith ieuenctid. Dangosodd ffilm am “3Generate”, digwyddiad cyfundebol yr ieuenctid, a siaradodd am ei gobeithion a’i gweledigaeth i blant a phobl ifanc, yn arbennig i’r rhai sydd efallai ar eu pennau eu hunain yn eu capeli, fel hi ei hun yn ei dyddiau cynnar. Roedd cyflwyniad Megan yn llawn egni a hwyl, ac yn ysbrydoliaeth i bawb a oedd yn gwrando.

014

Yn y prynhawn, ar ôl cinio blasus wedi’i baratoi gan ferched Ardal Bathafarn, cynhaliwyd cyfarfod agored gyda’r Dr Daleep Mukarji, cyn-Is Lywydd y Gynhadledd Fethodistaidd a chyn-Gyfarwyddwr Cymorth Cristnogol. Yn wreiddiol o India, siaradodd Dr Mukarji, gan dynnu ar ei brofiad eang o wahaniaethau diwylliannol ac ieithyddol, am “Synod Cymru – Cenhadaeth a Dyfodol”. Roedd ei anerchiad yn her i ni i barchu ein gwahaniaethau, i rannu â’n gilydd ac i gymryd risgiau er mwyn ein ffydd. Unwaith eto, roedd ei sgwrs yn ysbrydoliaeth i’r rhai a oedd yn bresennol.

018

Diolch i bawb a gyfrannodd i lwyddiant y dydd. Dyddiad y synod nesaf yw 23ain Ebrill 2016, yn Aberystwyth.

Taith Cerdded Mary Jones

Ar Ebrill 17-18, aeth nifer o Gadeiryddion yr Eglwys Fethodistaidd a rhai o’u
ffrindiau ar daith gerdded, gan ddilyn ôl traed Mary Jones o Lanfihangel-y-Pennant i’r Bala.
Aethon nhw â rhan o’r Beibl mewn llawysgrifen gyda nhw ar eu taith, sef y rhan a ysgrifennwyd yn Gymraeg, gan bobl drwy’r Cyfundeb i gyd, yn ôl yn 2011.

Mary Jines and Cader 814

Dyma’r cerddwyr a ddechrau eu taith. O’r chwith: Parchg Ann Brown (Beds., Essex & Herts.), Parchg Jennie Hurd (Synod Cymru), Parchg Stephen Wigley (Wales Synod), Parchg John Howard (Wolverhampton & Shrewsbury), Parchg Michaela Youngson (Llundain), Parchg Peter Barber (Chester & Stoke), Dcn Lorraine Brown (Swyddog Datblygu Gwledig Parc y Peak), Parchg Ruth Gee (Darlington), Parchg Roger Walton (West Yorkshire), Parchg Leo Osborn (Newcastle).

Ymweliad y Casgliad Fethodistiaid o Gelfyddyd Gyfoes â Wrecsam

Nefoedd-a-Daear

Wedi cryn edrych ymlaen a pharatoi daeth diwrnod mawr yr Agoriad Cyhoeddus i’r arddangosfa Nefoedd a Daear yn Wrecsam. Mae’r arddangosfa’n cynnwys celfyddydweithiau o’r Casgliad Fethodistiaid o Gelfyddyd Gyfoes, sydd wedi ei ddisgrifio fel ‘y casgliad enwadol gorau o gelfyddyd gyfoes y tu allan i’r Fatican’ ac mae wedi ei lleoli ar ddau safle, Oriel Sycharth Prifysgol Glyndŵr a’r Eglwys Fethodistaidd yng nghanol y dref. Mae’n cynnwys dros ddeugain o weithiau cyfoes ar themâu Beiblaidd neu grefyddol, pob un wedi ei osod yn bwrpasol yn ei le fel sbardun i’r meddwl ac i drafodaeth.

Roedd Oriel Sycharth dan ei sang ar noson yr agoriad ar 19 Ionawr. Cafwyd rhaglen amrywiol gan gynnwys canu corawl ac anerchiadau gan gynrychiolwyr y partneriaid a fu’n ynghlwm wrth drefniadau’r arddangosfa ynghyd â gwesteion. Yn eu plith yr oedd Mel Gooding, beirniad celf sy’n briod â merch Ceri Richards, arlunydd Y Swper yn Emaus a welir yn holl gyhoeddusrwydd yr arddangosfa, ac er iddo gyfaddef ei fod yn anffyddiwr, llwyddodd i gyfleu naws ysbrydol y darluniau y bu’n cyfeirio atynt – bron na chawsom bregeth ganddo!

Yn ddiweddarach yn yr Eglwys, rhannodd Sarah Middleton, Ymddiriedolwraig y Casgliad, hanes gwreiddiau’r Casgliad yng Nghymru ynghyd â’r llu o gysylltiadau eraill â Chymru wrth lansio’r llyfryn dwyieithog ‘Y Casgliad Methodistaidd o Gelfyddyd Gyfoes yng Nghymru’ a chyflwynwyd copi o’r llyfryn i’r Parch Jennie Hurd ar ran Synod Cymru a Wales Synod.

Taith dywys Casgliad Celf Wrecsam 2

Wythnos yn ddiweddarach cynhaliwyd taith dywys Cymraeg o amgylch yr arddangosfa dan arweiniad Andrew Parry, Pennaeth y Gymraeg a Materion Cymreig, Prifysgol Glyndŵr. Roedd ei wybodaeth o’r gweithiau yn gynhwysfawr a hynod ddiddorol a llwyddodd i dynnu’r ymwelwyr i mewn i fyd y lluniau mewn ffordd real. Nid oedd hyn fawr o syndod gan yr oedd hefyd wedi llwyddo i wneud hyn ar daith dywys trwy gyfrwng y radio ar raglen Dewi Llwyd y bore blaenorol!

Llan Llanast gweithiau'n sychu

Ar ddydd Sadwrn 28 Chwefror cynhaliwyd Llan Llanast dwyieithog yn seiliedig ar rai o’r lluniau yn yr Eglwys. Trwy’r digwyddiad hwn cyflwynwyd yr arddangosfa i gynulleidfa newydd yn cynnwys pobl o bob oed a chefndir. Arweiniwyd y prynhawn gan Luke Curran a Delyth Wyn Davies. Roedd chwe phrif weithgaredd i alluogi pob i ymateb yn greadigol i’r lluniau wedi eu gosod allan ar fyrddau ac roedd pawb yn rhydd i fynd at unrhyw fwrdd i fwynhau creu rhywbeth ac i sgwrsio ac yna symud at weithgareddau eraill. Cafwyd ystod eang o brofiadau gyda chyfleoedd i fodelu, paentio a chreu colag gan adlewyrchu arddulliau yn ogystal â thestunau’r lluniau. Dilynwyd hyn gydag amser cylch i bawb cael cyfle i rannu gyda’r gweddill beth fuont yn ei wneud ynghyd â’u teimladau. Yna cafodd pawb greu ‘person’ mewn paratoad at yr Addoliad. Yn yr Addoliad yn seiliedig ar y llun ‘Y Pum Mil’, adroddodd Luke stori’r bwydo pum mil ar ddull Chwarae yng Nghwmni Duw (Godly Play) gyda phawb yn cyfrannu eu ‘person’ fel cymeriad yn y dorf. Daeth y Llan Llanast i ben yn y ffordd arferol o gael pryd bwyd gyda’n gilydd gan barhau â thema’r Addoliad gyda bara physgod!

Cyfarfod Grawys

Daeth nifer o bobl yn cynrychioli eglwysi o wahanol enwadau ynghyd i’r cyfarfod Cymraeg yng nghyfres y Grawys ‘Camau’r Daith’. Cafwyd noson fendithiol dan arweiniad Cadeirydd y Synod Parch Jennie Hurd ar y thema dicter gan ddechrau gyda’n profiad ein hunain o’r hyn sy’n ein gwneud yn ddig cyn ystyried dicter Iesu yn hanes Glanhau’r Deml. Cawsom gyfle i  archwilio a thrafod dicter yn y lluniau yn yr eglwys cyn symud ymlaen i ganolbwyntio ar un llun, sef llun Clive Hicks-Jenkins yn portreadu hanes y wraig oedd wedi ei dal mewn godineb. Cawsom ein herio i ystyried pwy yn wir oedd yn cael ei farnu yn y darlun a ble rydym ni yn y llun.

Taith dywys Casgliad Celf Wrecsam 9

Ychwanegwyd taith dywys Cymraeg arall dan arweiniad Andrew Parry i’r arlwy ar nos Fawrth 17 Mawrth ar gais rhai oedd wedi methu dod i’r daith gyntaf. Gwerthfawrogir cyfraniad Andrew i’r digwyddiadau Cymraeg a’i arbenigedd yn y celfyddydau.

Gweithdy Geiriau Celfyddyd 1

Y digwyddiad Cymraeg olaf yn y rhaglen oedd gweithdy ‘Geiriau Celfyddyd: Celfyddyd Geiriau’ yng nghwmni Mererid Hopwood ar brynhawn Sadwrn 21 Mawrth. Cawsom bnawn difyr iawn yn yr Oriel yng nghwmni Mererid wrth iddi rannu ei brwdfrydedd dros farddoniaeth mewn ymateb i gelf a’n rhoi ni ar ben ffordd wrth ddechrau ysgrifennu. Dangosodd ddarlun ‘Tirlun gyda Chwymp Icarus’ gan Pieter Bruegel i ni ac adrodd cerdd W H Auden ‘Musée des Beaux Arts’ gyda’i ymateb iddo. Gofynnwyd i bawb ddewis llun yn yr arddangosfa sydd wedi tynnu ein sylw a bu Andrew Parry’n esbonio rhywfaint o gefndir y lluniau hynny. Rhannodd Mererid rhai awgrymiadau am ysgrifennu barddoniaeth a buom yn edrych ychydig ar acennu mewn cynghanedd. Yna gofynnwyd i ni ysgrifennu ychydig o linellau mewn ymateb i un llun. Cafwyd cyfle i ddarllen ein gwaith o flaen pawb a derbyn awgrymiadau pellach gan Mererid ar gyfer gwella’n gwaith. Diolchodd Jennie Hurd i Mererid am ei harweiniad ac am brynhawn difyr ac ysbrydoledig.

Gweithdy Geiriau Celfyddyd 3

Daw’r arddangosfa i ben ar 26 Mawrth ond y gobaith yw y bydd yr ymweliad hwn wedi symbylu eglwysi i drefnu gweithgareddau sy’n defnyddio’r celfyddydau i estyn allan i’r gymuned ac y bydd rhai’n ystyried estyn gwahoddiad i’r Casgliad gael ei arddangos o fewn  eu hardal.

Y SleepOver Mawr

Big SleepOver Saturday icebreaker 4

Daeth deunaw o bobl ifanc ynghyd  i wersylla dros nos yn Ebeneser Caernarfon ddechrau Chwefror fel rhan o’r SleepOver Mawr, cynllun cyfundebol i gynnal gweithgaredd lleol ar gyfer pobl ifanc. Roedd y criw yn cynnwys pobl ifanc o Wrecsam, Bwcle, Porthaethwy a Chwilog, ynghyd ag arweinydd ion ifanc o Gylchdaith Bwcle. Braint hefyd oedd cael cwmni Megan Thomas, Llywydd Ieuenctid yr Eglwys.

Big SleepOver tour Diolch Bobby

Cafwyd rhaglen amrywiol o weithgareddau ddydd Sadwrn gan gynnwys taith dywys o amgylch Caernarfon, sesiynau gemau, a sesiwn ar wyrthiau.  Arweiniodd Megan sesiwn ar le pobl ifanc yn yr eglwys a phynciau ar gyfer y gynhadledd plant ac ieuenctid 3Generate a gynhelir yn Nhachwedd ac fe lwyddwyd i gynnal trafodaeth tair ffordd dros y we gyda’r ddau grŵp arall yn cynnal y SleepOver Mawr yng Nghymru, y naill yn Llanelli a’r llall yng Nghaerdydd. Cafwyd hefyd sesiwn gwneud bathodynau dan arweiniad Angela Roe ac epilog dan arweiniad Trish, Abby a Vikki ac yna ffilm cyn noswylio.

Big SleepOver craft 2

Fore Sul, braf oedd cael ymuno â chynulleidfa Ebeneser mewn gwasanaeth dwyieithog dan arweiniad Diacon Stephen Roe gyda’r bobl ifanc yn cymryd rhan ac yna cael sgwrsio a dod i adnabod ein gilydd yn well dros baned wedi’r oedfa.

Big SleepOver Service 2

Diolch i bawb a fu’n helpu i wneud y penwythnos yn bosibl, i aelodau Capel Ebeneser am eu croeso cynnes ac i’r rhai fu’n paratoi’r prydau bwyd  neu’n arwain sesiynau.  Cafwyd llawer o hwyl a chyfle i ddatblygu cyfeillgarwch a, coeliwch neu beidio, cawsom rhywfaint o gwsg!

Big SleepOver conga 3

 

Yr Eisteddfod Genedlaethol 2014

013

Roedd pabell Cytûn (Yr Eglwysi Ynghyd yng Nghymru) dan ei sang yn aml yn ystod wythnos yr Eisteddfod Genedlaethol yn Llanelli ar ddechrau mis Awst eleni. Mae’r babell yn cael ei gwerthfawrogi fel lle ar faes yr Eisteddfod i gael paned a chyfle i eistedd i lawr, i wrando ar sgyrsiau ysbrydoledig ac i gymryd amser i addoli a myfyrio. Mae’n cael ei staffio gan wirfoddolwyr o’r enwadau ac eglwysi lleol, gan gynnwys nifer o gynrychiolyddion o Synod Cymru, a oedd yn barod i roi croeso i ymwelwyr a ddaeth i’r babell ac i stondin y Synod. Diolch iddyn nhw bob un am eu cymorth, ac yn arbennig i Delyth Wyn Davies, ein Swyddog Dysgu a Datblygu, am baratoi’r stondin.

014

Sioe Frenhinol Cymru 2014

005

Bu’r Parchedig Ddr Ian Morris, Arweinydd Ardal Morgannwg a Dirprwy Gadeirydd Synod Cymru, yn brysur iawn yn ystod Sioe Frenhinol Cymru yn Llanelwedd rhwng 21 a 24 Gorffennaf 2014. Mae Ian yn aelod o Dîm Caplaniaeth Amaethyddol Ecwmenaidd sy’n gweithio o babell Cytûn yn ystod y Sioe. Mae’r caplaniaid ar gael i gynnig cymorth a chefnogaeth i gystadleuwyr, staff, ymwelwyr ac unrhyw un arall y mae arno angen clust i wrando. Gan fod pwnc ei ddoethuriaeth yn ymwneud â chynhyrchu llaeth gwartheg, mae gan Ian gefndir sy’n ei helpu yn ei waith fel caplan, ac mae hefyd yn mwynhau’r gwaith hwn.

004

Y Parchedig Ddr Ian Morris yn Sioe Frenhinol Cymru 2014